Google Docs-Malayalam Blog

സഹകാരിയായ- Google Docs

സ്വാലിഹ് കൊമ്പൻ കല്ല് 

അധ്യാപകൻ എം.ഇ.എസ് കല്ലടി കോളേജ്

എട്ടാം ക്ലാസ് ഐസിടി പാഠപുസ്തകത്തിലെ ‘പേജ് ഡിസൈനിങ് വേൾഡ് പ്രോസസറിൽ’ എന്ന രണ്ടാം പാഠത്തിൽ ഗൂഗിൾ ഡോക്സ്  എന്ന ഭാഗം പരിചയപ്പെടാം.

ക്ലാസ് മുറികൾക്കപ്പുറം വിരൽത്തുമ്പിൽ സഹകരിക്കാൻ ഒരു ഓൺലൈൻ കൂട്ടുകാരൻ.വിദ്യാർത്ഥി ജീവിതത്തിൽ പ്രൊജക്ടർ റിപ്പോർട്ടുകളും യാത്രാവിവരണങ്ങളും സെമിനാർ പ്രബന്ധങ്ങളും തയ്യാറാക്കേണ്ടി വരുമ്പോൾ കമ്പ്യൂട്ടറിലെ വേർഡ് പ്രോസസർ സോഫ്റ്റ്‌വെയറുകളെ നമ്മൾ ആശ്രയിക്കാറുണ്ട്.LibreOfficeWriter പോലുള്ള സോഫ്റ്റ്‌വെയറുകൾ ഇതിന് സഹായിക്കുന്നുവെന്ന് പാഠപുസ്തകത്തിൽ നാം പഠിച്ചു. എന്നാൽ ഇതിൽ നിന്നു വ്യത്യസ്തമായി ഓൺലൈനായി പ്രവർത്തിക്കുന്ന കൂടുതൽ സാധ്യതകളുള്ള ഒരു വേർഡ് പ്രോസസറിനെ നമുക്ക് പരിചയപ്പെടാം.അതാണ് Google Docs.

എവിടെയും എപ്പോഴും

ഇതൊരു സാധാരണ സോഫ്റ്റ്‌വെയർ അല്ല.നിങ്ങളുടെ കമ്പ്യൂട്ടറിൽ ഇൻസ്റ്റാൾ ചെയ്യാതെ ഇന്റർനെറ്റിന്റെ സഹായത്തോടെ പ്രവർത്തിക്കുന്ന ഒരു ക്ലൗഡ്(cloud ) അധിഷ്ഠിത അപ്ലിക്കേഷനാണിത്. ഒരു വെബ് ബ്രൗസർ ഉദാഹരണത്തിന്(google chrome,Firefox ) ഉപയോഗിച്ച് നിങ്ങളുടെ google അക്കൗണ്ട് വഴി എവിടെ നിന്നും ഇതിൽ പ്രവേശിക്കാം.കമ്പ്യൂട്ടർ,ലാപ്ടോപ്പ്, ടാബ്ലെറ്റ് അല്ലെങ്കിൽ മൊബൈൽ ഫോൺ ഏതു ഉപകരണത്തിൽ നിന്നും നിങ്ങൾ തയ്യാറാക്കിയ ഡോക്കുമെന്റ് തുറക്കാനും എഡിറ്റ്ചെയ്യാനും സാധിക്കും .

ഉപയോഗം

ഒരു ഡോക്യുമെന്റ് തയ്യാറാക്കാൻ ആവശ്യമായ എല്ലാ ടൂളുകളുംgoogle docs-ൽ  ഉണ്ട്. അക്ഷരരൂപം,നിറം എന്നിവ മാറ്റാനും വരികൾക്കിടയിലെ അകലം ക്രമീകരിക്കാനും ചിത്രങ്ങൾ ചേർക്കാനും പട്ടികകൾ ഉണ്ടാക്കാനും സാധിക്കും.LibreOfficeWriter-ൽ  പഠിച്ച ഇഡ്ന്റിങ്,ഹെഡർ ,ഫൂട്ടർ,ബോർഡർ , ബുള്ളറ്റ് ലിസ്റ്റ് തുടങ്ങിയ എല്ലാ പ്രവർത്തനങ്ങളും ഇതിലും എളുപ്പത്തിൽ ചെയ്യാം. എന്നാൽ google docs-നെശരിക്കും വേറിട്ട് നിർത്തുന്നത് അതിന്റെ സഹകരണശേഷിയാണ്(collaburativePossibilities )

സഹകരണത്തിന്റെ ശക്തി

നിങ്ങളുടെ കൂട്ടുകാരുമായി ചേർന്ന് ഒരു പ്രൊജക്ടർ റിപ്പോർട്ട് തയ്യാറാക്കുകയാണെന്ന് കരുതുക.ഒരാൾ വിവരങ്ങൾ ശേഖരിച്ച് ടൈപ്പ് ചെയ്യുമ്പോൾ മറ്റൊരു കൂട്ടുകാരൻ അതിലെ അക്ഷര തെറ്റുകൾ തിരുത്തുന്നു മൂന്നാമതൊരാൾ ചിത്രങ്ങൾ ചേർക്കുന്നു.അതും ഒരേ സമയം! google docs-ൽഇത് സാധ്യമാണ്.

പ്രവർത്തനം > നിങ്ങൾ തയ്യാറാക്കിയ ഡോക്കുമെന്റ് കൂട്ടുകാരുമായിshare  ചെയ്യുക. അവർക്ക് അത് എഡിറ്റ് ചെയ്യാനുള്ള അനുമതിയും നൽകണം.

തൽസമയം എഡിറ്റിംഗ് > നിങ്ങൾ ടൈപ്പ് ചെയ്യുമ്പോൾ തന്നെ അവർക്ക് അത് കാണാൻ കഴിയും. ഓരോരുത്തരുടെയും പേര് വ്യത്യസ്തനിറ ത്തിലുള്ള കളറുകളായി സ്‌ക്രീനിൽ  കാണാം.അതുകൊണ്ട് ആരാണ് എവിടെയാണ് ടൈപ്പ് ചെയ്യുന്നത് എന്ന് പെട്ടെന്ന് മനസ്സിലാക്കാം.

ഒരുമിച്ചുള്ള ചർച്ചകൾ > ഡോകുമെന്റിലെ ഏതെങ്കിലും ഭാഗത്തെക്കുറിച്ച് കൂട്ടുകാരുമായി ചർച്ച ചെയ്യണമെങ്കിൽ ‘comment’ഓപ്ഷൻ ഉപയോഗിക്കാം.അതിലൂടെ ആ ഭാഗം ഹൈലൈറ്റ് ചെയ്തു നിങ്ങളുടെ ചോദ്യങ്ങളോ നിർദേശങ്ങളോരേഖപ്പെടുത്താം.ഇത് ടീം വർക്ക് കൂടുതൽ എളുപ്പവും രസകരവും ആക്കുന്നു.

Autosave > നിങ്ങൾ ചെയ്യുന്ന ഓരോ മാറ്റങ്ങളും google docs-സ്വയം സേവ് ചെയ്യും. അതിനാൽ കറണ്ട് പോവുകയോ കമ്പ്യൂട്ടർ ഓഫ് ആകുകയോ ചെയ്താൽ നിങ്ങളുടെ പ്രയത്നം വെറുതെ ആവില്ല.

സ്ഥിരംസ്ഥലം വേണ്ട > വീട്ടിലെ കമ്പ്യൂട്ടറുകളിൽ തുടങ്ങിവെച്ച പ്രൊജക്റ്റ് സ്കൂളിൽ വച്ച് ടാബ്ലറ്റിലോ ഫോണിലോ തുടർന്ന് ചെയ്യാം. ഇന്റർനെറ്റ് മാത്രം മതി.

എല്ലാ ഫോർമാറ്റുകളിലും ഡൗൺലോഡ് >ഡോക്യൂമെന്റുകൾ Microsoft Word(.docx),.PDF- അല്ലെങ്കിൽ മറ്റു ഫോർമാറ്റ് കളിലേക്ക് എളുപ്പത്തിൽ മാറ്റിയെടുക്കാനും  പ്രിന്റ് ചെയ്യാനും സാധിക്കും.

നിങ്ങളുടെ പാഠപുസ്തകത്തിൽ പഠിച്ച wordprocessr-ന്റെ സാധ്യതകൾക്കപ്പുറം, വിവരസാങ്കേതികവിദ്യയുടെ ഈ പുതിയ ലോകത്ത് google docs-

 പോലുള്ള ഓൺലൈൻടൂളുകൾഎങ്ങനെ കൂട്ടായ പ്രവർത്തനങ്ങളെ എളുപ്പമാക്കുന്നു എന്ന് മനസ്സിലാക്കുക. ഇനിയൊരു പ്രോജക്ട് ചെയ്യുമ്പോൾ ഈ ഓൺലൈൻ കൂട്ടുകാരനെ ഒന്ന് പരീക്ഷിച്ചു നോക്കൂ. നിങ്ങളോടൊപ്പം നിങ്ങളുടെ കൂട്ടുകാരും ഒരേ സമയം വിരൽത്തുമ്പിൽ ഒരുമിച്ചു ഉണ്ടായിരിക്കും!

അറിവോളം

1 LibreOfficeWriter-ലെഒരു പ്രധാന പ്രശ്നം?

ഡേറ്റ നഷ്ടപ്പെടാം

2 google docs-ന്റെ പ്രധാന സവിശേഷത?

കൊളാബറേഷൻ 

3 ക്‌ളൗഡ്‌ കമ്പ്യൂട്ടിംഗ് ഉപയോഗിക്കുന്ന ഒരു സേവനാം?

ഗൂഗിൾ ഫോട്ടോസ്

4 google docs-ൽതൽസമയം മാറ്റങ്ങൾ കാണുന്ന ഫീച്ചർ?

കഴ്‌സർ 

5 ഓട്ടോ-സേവന്  സമാനമായ സോഷ്യൽ മീഡിയഫീച്ചർ?

ഡ്രാഫ്റ്റ് 

6 PDF-ന്റെപ്രധാനപ്രയോജനം?

രൂപ കല്പന മാറ്റമില്ലാതെനിലനിർത്താൻ.

7 Google docs-ലെചർച്ചാ രീതി?

രേഖാമൂലം

8 ഡ്രോപ്പ് ബോക്സ് പേപ്പറിന്റെ പ്രധാന ഉപയോഗം?

പ്രോജക്ട് മാനേജ്മെന്റ് 

9 ഓൺലൈൻ ടൂളുകൾ പഠനത്തിൽ വരുത്തുന്ന മാറ്റം?

കൂട്ടായ പഠനം.

10 പരമ്പരാഗത ടീം വർക്കിൽ നിന്ന് Google docs-നെവ്യത്യസ്തമാക്കുന്നത്?

വീട്ടിലിരുന്ന്ജോലിചെയ്യാം.

11 Google docs-ൽ ഒരു പുതിയ ഡോക്യുമെന്ററി എങ്ങനെസൃഷ്ടിക്കാം?

Google docs-തുറന്ന്‘+’ചിഹ്നത്തിൽക്ലിക്കുചെയ്താൽപുതിയ

ഡോക്യുമെന്റ്സൃഷ്ടിക്കാം.

12 share-ബട്ടൻ എന്തിനാണ് ഉപയോഗിക്കുന്നത്?

ഒരു ഡോക്യുമെന്റ് മറ്റുള്ളവരുമായി പങ്കിടാനും,അവർക്ക് എഡിറ്റ് ചെയ്യാനുള്ള അനുമതി നൽകാനും ഉപയോഗിക്കുന്നു.

13b ഒരുGoogle docs-ഫയൽ എങ്ങനെPDF-ആയി മാറ്റിയെടുക്കാം?

‘File’ മെനുവിലെ ‘Download’- എന്ന ഓപ്ഷൻ ഉപയോഗിച്ച്PDF-document-തിരഞ്ഞെടുക്കുക.

14 Google docs-ൽ ചിത്രങ്ങൾ എങ്ങനെ ചേർക്കാം?

‘insert’-മെനുവിലെ ‘image’-എന്ന ഓപ്ഷൻ വഴി കമ്പ്യൂട്ടറിൽ നിന്നോ ഇന്റർനെറ്റിൽ നിന്നോ ചിത്രങ്ങൾ ചേർക്കാം.

15 Google docs-ലെ കമന്റ് ഫീച്ചറിന്റെ ഉപയോഗം എന്താണ്?

ഒരു ഡോക്യുമെന്റിലെ ഏതെങ്കിലും ഭാഗത്തെക്കുറിച്ച് ചോദ്യങ്ങളോ നിർദ്ദേശങ്ങളോ രേഖപ്പെടുത്താൻ ഇത് സഹായിക്കുന്നു.

16 ഒരു ഡോക്യുമെന്റിന്റെ പകർപ്പ്(make a copy ) ഉണ്ടാക്കുന്നത് എന്തിനാണ്?

നിലവിലുള്ള ഡോക്യുമെന്റ് അതേപടി നിലനിർത്തി,അതിന്റെ പുതിയൊരു പതിപ്പ് ഉണ്ടാക്കാൻ ഇത് ഉപയോഗിക്കുന്നു.

17 Google docs-ഉപയോഗിക്കാൻ ഗൂഗിൾ അക്കൗണ്ട് ആവശ്യമുണ്ടോ?

അതേ, ഗൂഗിൾ ഉപയോഗിക്കാനും ഫയലുകൾ സേവ് ചെയ്യാനും google അക്കൗണ്ട് നിർബന്ധമാണ്.

18 ഇന്റർനെറ്റ് ഇല്ലാതെ Google docs-ഉപയോഗിക്കാൻ കഴിയുമോ?

ഓഫ്‌ലൈൻ മോഡ് ഓണാക്കിയാൽ ഇന്റർനെറ്റ് ഇല്ലാതെയും ചില ഡോക്യുമെന്റുകൾ എഡിറ്റ് ചെയ്യാനും കാണാനും സാധിക്കും.

19 Google docs-ൽ ടെംപ്ലേറ്റ് ഗാലറി എന്തിനാണ് ?

ബയോഡാറ്റ,റിപ്പോർട്ടുകൾ,കത്തുകൾ തുടങ്ങിയവ എളുപ്പത്തിൽ തയ്യാറാക്കാൻ മുൻകൂട്ടി തയ്യാറാക്കിയ രൂപകൽപ്പനകൾ ഇതിൽ ലഭ്യമാണ്.

20 Google docs-ഉം Microsoft Word-ഉം തമ്മിലുള്ള പ്രധാന വ്യത്യാസം എന്താണ്?

Google docs-ഒരു ഓൺലൈൻ ക്‌ളൗഡ്‌ അധിഷ്ഠിത പ്ലാറ്ഫോമാണ് ,Microsoft Word-കമ്പ്യൂട്ടറിൽ ഇൻസ്റ്റാൾ ചെയ്ത് ഉപയോഗിക്കുന്ന ഒരു സോഫ്റ്റ്‌വെയർ ആണ്.

2025 ഓഗസ്റ് 20 ബുധൻ  

 സുപ്രഭാതം ദിനപത്രം