Education Guidance

Let's learn by playing കളിച്ചു പഠിക്കാം ഡോ അദില അബ്ദുള്ള ഐ എ എസ് ഫിൻലാൻഡിലെ സ്കൂളുകളിൽ ഓരോ 45 മിനിറ്റ് പഠനത്തിന് ശേഷം 15 മിനിറ്റ് ഇടവേള നൽകുന്ന രീതിയാണ് നിലവിലുള്ളത്. ഈ സമയം കുട്ടികൾ കളിക്കാനാണ് ഉപയോഗിക്കുന്നത്. മൊത്തം സ്കൂൾ സമയത്തിന്റെ ഏകദേശം നാലിലൊന്ന് സമയം കുട്ടികൾക്ക് കളിക്കാനായി അനുവദിച്ചിരിക്കുന്നു. ഈ ചെറിയ ഇടവേളയ്ക്ക് ശേഷം കളിക്കളത്തിൽ നിന്ന് ക്ലാസിലേക്ക് മടങ്ങിയെത്തുന്ന കുട്ടികൾ പഠനത്തിൽ കൂടുതൽ ശ്രദ്ധാലുക്കളായി കാണപ്പെടുന്നു. 1960 മുതൽ ഈ വിദ്യാഭ്യാസരീതി ഫിൻലാൻഡിൽ തുടരുന്നു. എന്നാൽ നമ്മുടെ നാട്ടിൽ പലപ്പോഴും കളിസമയം പോലും പഠനത്തിനായി ഉപയോഗിച്ചാൽ കൂടുതൽ നേട്ടം ലഭിക്കും എന്ന തെറ്റായ ധാരണയാണ് നിലനിൽക്കുന്നത്. എന്നാൽ നല്ല ആരോഗ്യമുള്ള ശരീരത്തിലേ നല്ല മനസ്സുണ്ടാകൂ , നല്ല മനസ്സുള്ളപ്പോൾ മാത്രമേ സമാധാനത്തോടെ പഠിക്കാനും കഴിയൂ. കുട്ടികളുടെ ആരോഗ്യ പ്രശ്നങ്ങൾ ഇന്ന് പുതിയ തലമുറ നേരിടുന്ന പ്രധാന ആരോഗ്യപ്രശ്നങ്ങളിൽ ഒന്നാണ് ഫാറ്റി ലിവർ . ഒരു പഠനമനുസരിച്ച് ഈ രോഗം ബാധിച്ചവരിൽ ഏകദേശം 30% കുട്ടികളാണ് . ഇതിന് പ്രധാന കാരണം: കൂൾഡ്രിങ്കുകൾ പോലുള്ള അനാരോഗ്യകരമായ ഭക്ഷണം വ്യായാമത്തിന്റെ കുറവ് സ്ക്ര...